ஆசிரியர் மையம்

கோவிட் -19 பெருந்தொற்றுப் பொதுமுடக்கத்தின் போது, மாநிலக் கல்வியியல் ஆராய்ச்சி மற்றும் பயிற்சி நிறுவனம் உள்ளடக்கத்தை மேம்படுத்துவதற்கும் மதிப்பீட்டை ஆதரிப்பதற்கும் பல நடவடிக்கைகளைத் தொடங்கியது. மாவட்டக் கல்வி மற்றும் பயிற்சி நிறுவத்தின் 150 ஆசிரிய உறுப்பினர்கள், மாநில வளக் குழு (SRG) ஆகியோர் தேசிய கல்வியியல் ஆராய்ச்சி மற்றும் பயிற்சி நிறுவத்தின் (NCERT) கற்றல் விளைவுகளைப் பகுப்பாய்வு செய்வதில் ஈடுபட்டுள்ளனர்.

பன்னிரண்டாம் வகுப்பின் அனைத்துப் பாடங்களுக்கும் மிகக் குறுகிய அளவு காணொளிகளை படிப்படியாக உருவாக்க மாநிலக் கல்வியியல் ஆராய்ச்சி மற்றும் பயிற்சி நிறுவனம் திட்டமிட்டுள்ளது. பன்னிரண்டாம் வகுப்பில் உள்ள 40 பாடங்களில், 13 பொதுப் பாடங்கள் முதல் கட்டமாகத் தேர்வு செய்யப்பட்டுள்ளன. ஒரு பாடத்தின் ஒவ்வொரு கருத்தும் முந்தைய வகுப்புகளில் உள்ள பாடத்தின் தொடர்புடைய அடிப்படைக் கருத்துகளுடன் தொடர்புபடுத்தி விளக்கப்படும்; ஒவ்வொரு தொடர்புடைய அடிப்படைக் கருத்துக்கும் காணொளிகள் உருவாக்கப்படும்.

மாநிலம் முழுவதும் உள்ள தொடக்கப் பள்ளிகளில் கல்வி மதிப்பை அதிகப்படுத்த, பள்ளிக் கல்வித் துறை “தமிழ்நாட்டு புதுமைகள் புனைதல்” திட்டத்தை உருவாக்கியுள்ளது. புத்தொளிப் பயிற்சிப் பட்டறைகள் கற்பிக்கவும் மதிப்பீடு செய்யவும் ஆசிரியர்களை ஊக்கப்படுத்துகின்றன

உயர்கல்வி மற்றும் வேலைவாய்ப்பு வழிகாட்டுத்தால் சார்த்த இரண்டாம் கட்ட பணிமனை 21.02.2022 முதல் 24 .02 .2022 முடிய சென்னையில் உள்ள ஆஷா நிவாஸில் நடைபெற்றது.

மாநில கல்வியியல் ஆராய்ச்சி மற்றும் பயிற்சி நிறுவன விரிவுரையாளர்கள் மற்றும் மாவட்ட ஆசிரியர் கல்வி நிறுவன விரிவுரையாளர்களுக்கான திறன் மேம்பாட்டு பயிற்சி பட்டறை 09 .02 .2022 முதல் 11 .02 .2022 முடிய மூன்று நாட்கள் நடைபெற்றது.

மாநில கல்வியியல் ஆராய்ச்சி மற்றும் பயிற்சி நிறுவனம் மற்றும் DIET விரிவுரையாளர்களின் தொழில்முறைத் திறனை மேம்படுத்தும் வகையில் கல்விப் பணியாளர்களுக்கான கல்விசார் பணியாளர் நோக்குநிலை பயிற்சி (Academic Personnel Orientation Training) மதுரையில் உள்ள பில்லர் ஹாலில் நடத்தப்பட்டது. முதல் கட்டப் பயிற்சி 27.04.2022 முதல் 29.04.2022 வரை 6 DIET களின் விரிவுரையாளர்களுக்கு வழங்கப்பட்டது. மதுரை, விருதுநகர், திருநெல்வேலி, தூத்துக்குடி, கன்னியாகுமரி மற்றும் ராமநாதபுரம்.